Executive日記——馬時亨愛女 讚爸爸做足200分

  小妹昨日聽到電台訪問前教育大學主席馬時亨嘅大女劉馬露明(Christine),佢爸爸唔連任教大主席同佢一齊擔任「品格教育協會」嘅主席,畀咗佢好大鼓舞,形容爸爸嘅品格及為人,甚至影響佢擇偶嘅條件,「一一年我結婚嘅時候,父親公開給我嘅丈夫二百分,其實我都想給父親二百分」,真係好sweet!

  Christine分享,馬時亨係一個另類爸爸,覺得學校成績只係其次,最注重禮貌同做人原則。佢提到自己細個嗰陣好無自信,八歲移居英國讀書嗰陣,啟發佢要做老師,爸爸好支持,同佢講培育好下一代,係好值得驕傲嘅事。

  數月前,爸爸主動向佢提出一齊擔任「品格教育協會」主席,希望將品格教育帶入主流學校。今次係二人首次合作,Christine初時感到愕然,其後發現爸爸一直係背後支持佢,令佢好感動。Christine十月會將迎接第四個孩子出生,加埋妹妹嘅仔女,馬時亨將有三名男孫和三名女孫,笑說爸爸成日湊孫,係「Fit馬」咁話。

Kelly Chu


hd