Executive日記——嶄新「型」像登場 力挺本地品牌 朗豪坊Market Place 環球精選食材任你揀

  超級市場Market Place已經以嶄新「型」象喺旺角朗豪坊全新開幕,有別於大眾認知,全新嘅Market Place朗豪坊分店設有六大專區,搜羅來自世界各地及本地生產嘅多個優質品牌和產品,啱晒好似Kelly呢啲鍾意新鮮食材,同支持本地品牌嘅美食愛好者!

  朗豪坊Market Place六大焦點,包括國際獲獎佳釀、過百款香港品牌產品、過二百款健康零食、美饌佳餚專區、優質肉類,以及果園直送時令蔬果,絕對係美食愛好者嘅購物天堂!新店行時尚農舍風格,旨在強調新鮮食材由農舍直接送到顧客飯桌上,而且設計井井有條,店內美食佳餚專區設開放式廚房、麵包烘培屋、每日新鮮自家製嘅壽司玻璃屋等,全部被暖光所包圍,等顧客行得舒服。

  Kelly知道,Market Place極為支持本地品牌,搜羅多個歷史悠久同新進冒起嘅香港品牌,仲有唔少係獨家供應!最矚目的,要數在香港甚具規模嘅精釀啤酒廠gweilo beer鬼佬啤酒,佢哋特意製作全新精釀啤酒Portland St Pale Ale,喺Market Place獨家發售。O依款為朗豪坊Market Place特意創製嘅啤酒名,更以分店地點砵蘭街命名,極有意思。Market Place為慶祝朗豪坊店全新開幕,更推出手工啤酒自由配搭優惠,買三件只需六十蚊。

  二澳農作社「本地人系列」各款醬料亦好值得大家期待。位於大嶼山西南方嘅二澳,喺二○一二年再次發展農業,除咗種植多款本地新鮮農作物,農作社更推出一系列以本地新鮮食材製作,以及由本地廚師創作嘅醬料。其中喺Market Place獨家發售嘅「成師傅奇味雞煲醬」,就以手工慢火熬煮而成,味道香辣惹味,自然醇厚。

  Market Place亦引入一九一五年創立、滿載港人童年回憶嘅老字號椰子產品品牌甄沾記;連續兩年榮獲日本旅遊天書《acruco》評選為香港美味手信第一位,純手工創意曲奇餅店Glory Bakery;全香港唯一一家獲得歐盟Ecocert、美國USDA有機認證同公平貿易夥伴、貫徹「新中式漢方」養生新概念嘅三代茶葉世家Yumthé;以及全天然無添加手製健康食品品牌Nicole's Kitchen!大家以後會經常喺朗豪坊嘅超級市場Market Place見到Kelly shopping了。

Kelly Chu


hd