Executive日記——海洋公園新館「小狐獴與大象龜之旅」登場 港產狐獴BB 茶啡命名好有feel

  Kelly期待已久嘅海洋公園新動物展館「小狐獴與大象龜之旅」,明天登場啦,大家可以近距離睇到非洲動物狐獴同亞達伯拉象龜。園方之前叫網民為三隻港產狐獴寶寶改名,由於佢哋嘅毛色近似港式地道飲品,所以「茶走」、「齋啡」和「鴛鴦」一組名字大熱當選,真係好有本土味道。

  五隻狐獴大概一年前由澳洲南部嘅動物園移民到海洋公園,組成咗兩個家庭,已開枝散葉,誕下十五隻小狐獴,依家園內共有二十隻狐獴。而兩隻由私人捐贈畀公園嘅亞達伯拉象龜,雄性,約十五歲,係全球體型第二大嘅陸龜,平均壽命高達一百歲。

  至於大熊貓盈盈和樂樂,早前首次自然交配,據園方跟進發現,盈盈體重由以唔夠一百一十五公斤,輕微增加咗兩公斤,仲有時表現唔耐煩,但係咪有咗,仲要等到七、八月照超聲波先至知。Kelly係呢度同盈盈打氣。

Kelly Chu


hd