Executive日記——29人服務30年以上 麥記長期服務僱員獲金「巨無霸」

  員工係企業最重要嘅資產,尤其係長期服務嘅一群。香港麥當勞向一百名向長期服務嘅前線同後勤僱員頒發長期服務獎,當中二十九人服務咗三十年或以上,各人獲頒一個足金嘅巨無霸漢堡包,真係非常特別兼有紀念價值。

  麥當勞嘅漢堡包好好味,全世界馳名。服務咗麥當勞三十年或以上嘅僱員,各人獲頒一個巨無霸漢堡包,當然唔係普通包,而係由足金打造,夠晒「份量」兼隆重!Kelly知道,其中四人仲喺麥當勞服務咗三十五年,真係好長情。

  負責頒獎嘅香港麥當勞行政總裁黎韋詩,感謝呢批同事一直以來發揮團隊嘅精神,仲接受重重挑戰。

  黎韋詩勉勵各同事,儘管疫情對營運有影響,但要本着「以人為本」嘅核心價值,盡力照顧同事同顧客。

  Kelly聽講,今次活動仲首次喺facebook直播,畀麥當勞逾萬五位僱員一齊分享得獎者嘅喜悅。

Kelly Chu


hd