Executive日記——百佳 X Majorette聯乘換購 18款限量版合金車精緻又逼真

  Kelly最鍾意行超市,搜羅超值嘅商品,最近見到百佳聯同著名嘅壓鑄模型車製造商Majorette,將十八個街知巷聞嘅品牌,變成獨家限量版合金車,外型好精美好細緻,真係好值得收藏!

  成套模型車有十八款,集結多個品牌,包括百佳、Merries、菓汁先生、新奇士、麥維他、 高露潔、寶礦力水特、皇冠、獅球嘜、珍寶珠、嘉士伯、刀嘜、卡樂B、家樂氏、李錦記、益力多、 Oreo、屈臣氏蒸餾水,仲大有福士 T1、福士 Beetle、福士 Crafter、Man TGS、富士 Jimny 及豐田 Hiace 授權使用車款,部份一比六十四合金車嘅車門、車頭蓋、車尾箱仲可以打開,真係好逼真,又好好玩!

  去開百佳shopping嘅你,只要喺任何一間百佳超級市場分店買滿一百二十八蚊,即刻可以用九蚊九毫,隨機換購每周指定合金車一款。由上周五開始,直至八月六日,一連六個星期,每周都會推出三款指定合金車,車迷絕對唔可以錯過!小妹已訂好作戰計劃,去多幾次希望換到心頭好車款。

  如果想方便收藏,仲可以買埋一個PARKnSHOP x Majorette合金車收藏盒,易賞錢會員喺於指定百佳分店和網店,只要九十九蚊,非會員就要花一百五十九蚊。有興趣嘅,就要快啲行動啦。

Kelly Chu


hd