Executive日記——連串慶祝活動即日起動 《頭條日報》15年 驚喜放送

  七月十二日(星期日)係《頭條日報》十五歲生日!Happy Birthday!十五年嚟《頭條》保持全港NO.1報紙嘅領先地位,一年一度報慶大日子,梗係推出連串慶祝活動回饋讀者支持啦!由今日起《頭條》唔止送獎金獎品,仲玩埋crossover搞搞新意思,有咩驚喜送畀大家?Kelly率先奉上!

  《頭條》一向愛錫讀者,打頭陣係一向好受讀者歡迎嘅「開心尋尋」遊戲。 由明天起一連五日向《頭條》嘅幸運讀者送出獎金,大家呢幾日早上攞《頭條》嘅時候,記住笑吓,如果被我哋攝影師影到,一經確認身份,就有機會攞到五百大元獎金!

  另外,Kelly記得每年《頭條》都推出獨家限量品回饋讀者,Kelly知道今年同日本超人氣嘅卡通角色crossover,超萌設計加上實用功能,包你大叫Cool呀,係咪好期待呢!除咗驚喜限量品,仲有壓軸勁獎送畀你,連續兩個星期,只要緊貼頭條facebook玩遊戲,就有機會贏豐富獎品,大熱電子產品、智能電器、精選廚具等乜都有,禮品數量超過四百八十份,日日都有機會中獎,易玩易中咪執輸呀!提提大家,連串慶祝活動已經起動,想第一時間知道各活動詳情,記得like同follow《頭條日報》facebook專頁啦!

Kelly Chu


hd