Executive日記——五星酒店住宿大優惠 住客細路坐勞斯萊斯返學

  為咗鼓勵香港人發現本地遊嘅樂趣,好多酒店近期推出住宿大優惠,包括喺尖沙咀五星半島酒店,除咗房租有折扣,仲有餐飲同體驗節目大優惠,最特別係客人可以選乘酒店嘅勞斯萊斯車隊一次,聽講反應好熱烈,有住客仲好有創意,選擇俾小朋友坐一程勞斯萊斯房車返學。

  半島酒店呢個住宿套餐優惠名為「We Meet Again 重逢‧香江」,Kelly好多朋友都話想去試下。半島酒店話,不少客人都感到十分有興趣,希望透過住宿禮遇同精心籌劃嘅各式體驗,感受香港的情懷與美好。住宿套餐嘅預訂期限至八月二十六日,而入住期限由即日至八月三十一日。據小妹八卦到,原來好多人幫襯,其中一個原因,係套餐包一程勞斯萊斯房車點到點接送,等客人可以舒舒服服由家出發,坐名貴房車入住酒店。

送小朋友返學夠豪

        聽聞好多人同一時間使用,部份客人唔同人逼,選擇特別使用方法,好似送小朋友返學,相信大人同小朋友都享受到一次不一樣嘅上學體驗。原來半島酒店擁有十四部加長版勞斯萊斯「幻影」轎車,專供房客租借使用,每程價格由九百蚊起。

Kelly Chu


hd