Executive日記——角落小夥伴至Cool冰巾 《頭條》首輪派發個個嗌萌

        角落小夥伴魅力沒法擋!《頭條日報》慶祝十五周年免費送聯乘限量品「角落小夥伴TM夏日至Cool 冰巾」,昨天首輪派發,粉絲蜂擁到場支持,多個派點好墟冚!Kelly好運攞到冰巾,好靚好有質感!俾同事虎視眈眈㖭!首輪派發告一段落,未攞到嘅朋友唔使灰!明天七月十五日《頭條》再出動,九龍區朋友準備起動啦!

  Kelly昨天見到好多OL嚟捧場,冰巾到手後第一個反應係:「嘩,好靚呀!」睇見上面嘅角落小夥伴萌樣,唔止女士心心眼,連男士都冧豬!FANS陳小姐知道係獨家限量版,無得買亦唔可以換購,所以提早出門捧場!佢大讚冰巾好靚,打算做運動時用,幫助cool down仲calm down心情呀!隔籬位男士話冰巾比毛巾更輕更舒服,加上香港咁熱,運動爆汗就可以用佢嚟降溫消暑,角落小夥伴感覺親切,就算大男人攞住都無遺和感呀!

  冰巾大受歡迎,《頭條》繼續照顧Fans!提提大家,明天第二擊會派到九龍區,七月十七日最後一站會去新界區!想知確實派發時間同地點,like同follow頭條日報facebook啦!冰巾數量有限,送完即止!想攞要快!

Kelly Chu


hd