Executive日記——「開心尋尋」中獎讀者 唔睇《頭條》會心思思

  全港No.1嘅《頭條日報》,慶祝十五周年,與讀者玩「開心尋尋」遊戲,被攝影師影到開心拎《頭條》嘅讀者可獲五百元,各中獎者已經選出。佢哋都大讚《頭條》新聞詳盡、娛樂資訊豐富;有人仲話睇咗《頭條》十幾年,係每朝嘅習慣,「唔睇會心思思!」

  中獎嘅讀者葉小姐睇咗《頭條》約十年,佢大讚《頭條》內容正面又唔偏激,時事同娛樂新聞同樣吸引,對獲得五百元現金感到意外,「呢個小橫財,好幸運」。另一中獎者王先生支持《頭條》十多年,大讚取閱方便,佢喺尖沙咀返工路經派發點就拎到一份,主要睇新聞,仲話「唔睇會心思思」。

  每朝喺中環站外拎《頭條》嘅廖小姐,讚《頭條》內容豐富好啱睇,好欣賞專欄內容吸引,佢祝賀《頭條》讀者人數不斷上升。另一位中獎者喺屯門站外攞報紙嘅陳先生,佢話《頭條》派發點多,容易攞到,而新聞中立最吸引佢,祝《頭條》蒸蒸日上咁話。

  Kelly多謝各位嘅支持,為咗答謝大家,《頭條》編採部會繼續努力,做到最好,為大家提供更多新聞、娛樂、副刊、財經等優質資訊!

Kelly Chu


hd