Executive日記——再推fb遊戲超過480份勁獎等緊你 《頭條》派角落小夥伴冰巾個個冧

  天氣熱辣辣,但Kelly依然feel cool,點解呢?皆因《頭條日報》上周喺全港各區免費派「頭條日報」/角落小夥伴夏日至Cool 冰巾,男女老幼都讚巧靚又實用,未用先興奮,一用涼透心!

  三日派冰巾活動圓滿結束,角落小夥伴Fans都話攞到冰巾,比買到角落小夥伴嘅商品更加開心,皆因係《頭條》同角落小夥伴聯乘獨家限量品,有錢買唔到!冰巾吸引勁多女士瘋狂自拍,估唔到連男士都好冧,大冰巾啱晒做gym跑步,而望住角落小夥伴仲有一種安靜平和嘅感覺,好治瘉!

  《頭條》慶祝十五周年活動一浪接一浪!二十號隨即喺facebook發放驚喜,勁送獎品總共逾四百八十份,包括大熱電子產品、智能電器、精選廚具等等。日日獎品唔同,大家只要喺期內逢一至六指定時間參加遊戲,鬥快答中問題就有機會喇!

  問題好簡單,內容圍繞《頭條》、常識、數學、IQ題乜都有,昨天條問題Kelly九秒九答中,相信今日條問題唔會難到大家,想攞獎,即去頭條facebook活動專頁參加啦!

Kelly Chu


hd