Executive日記——戴口罩勤消毒 防疫措施做足 新城抗疫 青姐照開咪

  鑑於新城知訊台執行總監程凱欣確診新冠肺炎,位於黃埔的總台早前一度撤出全部員工並停止運作,以加強消毒。

  獨立股評人胡孟青(青姐)近日一直如常返去電台開咪,佢同Kelly講,電台嘅防疫措施一直好嚴謹,但始終有好多嘉賓到訪總台,好彩無大規模爆發,會繼續保持警惕!

  青姐話,依兩日電台人流明顯減少,好多同事在家工作,但佢就因節目性質而留守總台開咪。佢留意到,電台嘅清潔人員自疫情爆發以來都好小心、盡責,同事亦都有戴上口罩,但始終有好多嘉賓到訪總台,相信今次有人確診只係個別個案,亦好彩無大規模爆發。

  青姐又指,一入直播室就會換新咪套,亦會用消毒酒精清潔電腦鍵盤同滑鼠,而清潔人員亦清潔得好頻繁,會繼續保持警惕,希望大家都身體健康!

Kelly Chu


hd