William話,早排為咗趕新書出爐,捱咗一輪通宵,上周四去咗港台主持節目《講東講西》,兩日後接受聯合出版集團網台「一本」嘅訪問,同日去新城為節目《遊山玩水》錄音。至上周一,佢知道接待過佢嘅三聯女公關同新城有員工確診,雖然自己無病徵但唔安心,喺上周五分別由化驗專家朋友和醫生朋友為佢做檢測,兩個樣本結果都呈陽性。
Kelly噚日致電問候William,佢把聲好醒神,又無發燒,仲服咗中藥,喉嚨舒服咗O添。佢話,約兩星期前同一班好友聚餐,預祝佢新書面世,同場有小鳳姐同埋Gigi姐。佢透露,二人做咗檢測都無事,其他出席朋友亦無病徵。
不過,William昨天收到消息,佢嘅伴侶陳醫生被界定為緊密接觸者,需要入住檢疫中心,暫時要放低喺多間私院嘅工作。小妹衷心祝福佢同陳醫生嘅生活快啲回復正常啦!
Kelly Chu