消費獎賞計劃日新月異，最新一個係牛奶公司宣佈聯同怡和集團旗下嘅眾多食肆，與恒生銀行推出本港最大型嘅獎賞電子平台yuu，連結逾十個品牌共二千多間商店，包羅吃喝、生活用品、多元化零售，好似Kelly成日幫襯嘅惠康、萬寧、7-Eleven、IKEA、Market Place、肯德基、必勝客、PHD薄餅博士等，而且自己消費賺積分，仲可以轉贈親友共用，非常之貼心。
yuu喺全港首個打通牛奶公司集團旗下品牌嘅電子平台，以一體化設計應用程式，唔使用實體卡，方便消費者賺積分，等大家全年任何時間以「消費$1賺一分」，積分仲可以轉贈親友，一齊分享，齊齊儲。只要註冊成為yuu嘅會員，就可以喺日常消費中賺取回贈，仲可以享受個人化優惠。如果喺指定商戶用yuu enJoy信用卡購物，仲可賺取三至四倍積分。
捐積分回饋弱勢社群
Kelly知道消費者可以透過應用程式捐贈積分「yuu give back」，回饋本地社群。yuu和牛奶公司集團承諾回饋弱勢社群，特別關注人口老化、兒童發展同物浪費問題，亦與指定嘅慈善機構合作，首階段會同膳心連基金與伸手助人協會合作。
牛奶公司集團行政總裁麥殷（Ian Mcleod）同Kelly講，yuu標誌牛奶公司首次數碼整合集團內所有品牌，同時喺公司數碼轉型嘅里程碑，公司嘅目標係為顧客提供實惠、優質及便捷嘅服務。
牛奶公司北亞區及集團便利店業務行政總裁朱秉志話，服務扎根香港逾一個世紀，一直透過不同形式回饋社會，今次推出yuu獎賞計劃，打通牛奶公司旗下所有品牌，透過龐大零售網絡，幫助顧客消費時更划算，極具意義。
Kelly Chu
;){kind=link}
;){kind=link}
;){kind=link}
;){kind=link}
;){kind=link}
;){kind=link}