Executive日記——江蘇高考第一失落清華北大 女狀元終獲港大賞識錄取

  今年內地高考江蘇文科女狀元白湘菱,竟然被北大、清華等內地名牌大學拒收,佢於是申請入讀香港大學,成為中港兩地嘅新聞人物,昨天事件有新進展,港大收錄咗佢,而佢個人意向係攻讀金融有關嘅專業。

  白湘菱喺高考取得總分430分,其中語文、數學及英語總分在江蘇排第一,選測科目政治、歷史等級分別為A、B+。由於內地如北大、清華等著名大學對江蘇考生兩個選測科目嘅等級要求要全部係A或以上,白湘菱被北大、清華等婉拒,令女狀元無處落腳,成為內地新聞。有傳港大知道後,主動向呢位女狀元招手,仲話會發放獎學金。

  白湘菱嘅母親喺接受內地媒體採訪時表示,女兒最終申請港大。昨天傳出喜訊,媒體從港大了解到,白湘菱順利通過港大經管學院嘅面試,校方已向佢發出收錄通知書。

  Kelly知道,白湘菱報讀港大,引起內地網民關注,有吉林省網民叫佢「去港大前,先把中國歷史學好」;有廣東網友稱,「香港最近一年發生的事情(反修例運動),可能全然不知」,提醒佢留意喎。

Kelly Chu


hd