Executive日記——余仁生拍住鴻福堂香港寬頻互補合作

  余仁生、鴻福堂同香港寬頻都係大家熟識嘅公司,昨日三間公司宣佈將展開策略合作,利用各自嘅資源同優勢,喺逆境中發揮互助互補嘅協同效益,強化大家業務,仲為三方客戶同員工帶來多元化優惠。

  香港寬頻會為余仁生旗下逾五十間店舖提供高速光纖寬頻等電訊服務;而余仁生將以產品禮券支付部份嘅電訊科技服務費用,為香港寬頻嘅廣大客戶群帶來保健產品優惠。

  而余仁生同鴻福堂會發揮品牌嘅獨特優勢,結合余仁生喺高端中醫藥同保健品嘅專長,同鴻福堂喺草本飲食方面嘅經驗,研究推出品牌聯乘產品,為消費者帶來更多健康可靠嘅選擇。同時,余仁生同鴻福堂亦於雙方嘅指定分店設置產品專櫃,方便客人輕鬆選購不同嘅保健養生產品或食品。

  Kelly最like係三間公司各自嘅會員優惠將陸續推廣至其餘兩間公司的會員。而三間公司亦會把其員工優惠擴展予其餘兩間公司的員工。詳情預計好快推出。

Kelly Chu


hd