Executive日記——恒大超先進汽車基地曝光

  恒大汽車近期喺香港主要傳媒賣廣告,推廣旗下嘅恒馳電動車。原來恒大汽車已喺上海同廣州設立先進嘅生產基地,近日首次亮相,設備非常先進,以智能機械人全天候自動運作,全面投產可做到每一分鐘生產一部車。

   Kelly睇內地媒體嘅報道恒大汽車嘅基地,令人大開眼界,採用咗世界最先進嘅智慧裝備,包括德國嘅全自動塗裝生產線以及全自動裝配線,裝備咗超過二千五百個智能機械人,可以協同工作,好輕鬆就可以完成白車身嘅焊接、定型等工序,二十四小時自動工作,全面達產仲可以每分鐘生產一部車,成為世界最先進嘅高端智慧「黑燈工廠」。

  恒大集團主席許家印視察恒大汽車嘅生產基地(左圖),佢話自己好似返咗二十八年前喺舞鋼做車間主任,仲喺現場感慨道︰「我們要實現三到五年內,把恒大汽車打造成為世界規模最大、實力最強的新能源汽車集團,絕對不是夢!」此前,恒馳首期六款車喺上海、廣州同時發佈,驚艷嘅造型,引發咗全球汽車圈轟動。

Kelly Chu


hd