Executive日記——貼告示怨業主「苛索」 田二少被收舖 變身苦主大控訴

  尖沙咀海港城G2000分店昨天拉咗閘,貼出告示話被執達吏接管,仲投訴業主「苛索」,引起好多人圍觀。G2000老闆田北辰(田二少)話,分店生意差,業主一直唔肯減租,「蝕到甩褲」,話今次自己係「苦主」咁話。

  G2000門外以中英文貼出「致歉告示」,內容話店舖被執達吏接管,事緣去年嘅社會運動,令店方嚴重受損,但業主並無絲毫體恤,加上今年嘅疫情,更加雪上加霜,話海港城業主喺艱難期間掌握店方嘅銷售數據,但繼續苛索,實屬不合情理。

  田二少對Kelly話,執達史「收舖」,只喺海港城分店發生,因業主一直不願減租,故自從二月起只交一半租金,依家分店被接收,業主仲想追回「全租」。佢形容呢間分店「蝕到甩褲」,今次事件自己先係「苦主」咁話,「致歉告示」就係佢嘅心情寫照。業主九龍倉置業回應話,各租戶簽咗保密協議,所以不對外透露。

Kelly Chu


hd