Executive日記——買唔起樓引起網民激辯  男人無樓同外母住被嘲做太監

  香港樓價長年高企,好多人都想買層樓,但未有樓嘅人又可以點?Kelly近日見到有網民在網上討論區發文,分享「男人無樓同外父外母住」做法,引發網民熱烈討論。有網民坦言可能自己古舊,感覺始終唔好,質疑同事「無樓出去租樓,有幾難?」真是在香港要結婚不是易事。

  曾有調查指港樓價冠絕全球,港人不吃不喝二十點八年才能上車。有網民指現實有同事未結婚都在女朋友家中居住,因女方怕搬走後,層樓會落在其他兄弟姊妹手中。有過來人留言指,「我o依家都係咁,冇得點睇,鬼叫你窮。每個月都畀返6-8K佢媽當家用所以佢哋都OK。」又補充,「女朋友覺得出去畀錢人,不如畀屋企人,同埋住屋企又包晒水電飯錢,如果大家生活價值差唔係太大,其實又冇咩問題嘅。」

  亦有網民唔介意,「啱傾既話有乜所謂」、「人生贏家唔使畀租仲有外母錫夫復何求……」

  其中亦有其他網民認為現實是令人屈服,「窮仲嫌三嫌四」,有人指做法難以接受「基本上選擇咗入去住即係要做太監」、「兩個人照計點都租到個單位返嚟」。

Kelly Chu


hd