Executive日記——《風雲》為主題郵品 馬榮成親手作畫

  漫畫迷留意,香港郵政準備推出一系列以著名漫畫《風雲》為主題嘅郵品,Kelly覺得好靚,鍾意武俠漫畫嘅朋友唔好錯過!

        今次發行共五款郵品,包括郵票冊、郵票、小型張、首日封及套摺。其中《珍藏郵票冊》,全球限量發行五千套,封面印有馬榮成親手用水墨繪畫嘅畫作。冊內除咗附有一套六張郵票外,仲有兩張以黑墨印刷技術印製嘅$10同$20郵票小型張。郵票冊每人限購兩本。Kelly仲知道馬榮成特登揀咗八幅經典作品印係郵票同小型張。而套摺印有馬榮成重新繪畫嘅作品手稿,用交錯嘅線條,虛實並用,就好似中國功夫咁奧妙。

Kelly Chu


hd