Executive日記——每三個月出版 寵物店獸醫診所派發 警方創辦《動人時刻》 宣揚愛護動物

  最近又發生一啲虐待動物嘅新聞,Kelly好心痛!為咗宣揚「愛護動物、尊重生命」嘅訊息,警方南總區喺今年五月創辦咗《動人時刻》動物報,希望凝聚愛護動物人士力量,提高公眾對防止殘酷對待動物嘅意識,鼓勵市民舉報相關罪行。

  新界南總區刑事總部警司姚永勤話俾小妹知,報刊主題圍繞「愛護動物、尊重生命」,除咗報道同動物有關嘅感人故事、趣聞,俾市民了解警隊及相關合作人士嘅工作背景之外,仲會跟進鮮為人知嘅動物個案,令巿民可以知道事件後續情況。

  《動人時刻》動物報每三個月出版,實體版本全彩色印刷,亦有電子版,後者仲設有英文版。熱愛動物嘅朋友,可以喺愛護動物協會旗下四個領養中心索取,派發地點超過二百五十個獸醫診所同六百個寵物商戶。

Kelly Chu


hd