Executive日記——律師同行登廣告 向內地檢測支援隊致敬

  普及社區檢測計劃再次延長三天至到下星期一,整個計劃為期十四天,已經為咗一百五十萬名市民檢測,真係非常巨大嘅檢測工程。香港律師同行(Lawyers HK)昨日喺報章刊登全版廣告(見圖),感謝每天負責大規模化驗嘅內地核酸檢測支援隊嘅付出。Kelly要俾個like佢哋。

  近五百名內地核酸檢測支援隊成員自上月底起分批抵港,協助加強本港嘅新冠病毒檢測能力。香港律師同行昨日喺報章廣告上向支援隊致敬,指「您們來就是香港的福氣」,表示「感謝您們的無私付出,雪中送炭,在心中!」香港律師同行網頁話,佢哋代表香港法律界嘅一群,無論政治派別如何,都支持法治和維護治安,同時關注和糾正公眾對整個法律界政治立場的誤解等等。

Kelly Chu


hd