Executive日記——幼女英國誕B女 翁靜晶榮升外婆

  Kelly得知,律師翁靜晶啱啱榮升「外婆」,佢身在英國嘅幼女劉幸儀,本月一日喺fb發佈啱啱出世B女嘅相片。翁律師多謝大家嘅祝福,並指低調處理涉及小孩嘅事會較好。她又指希望女兒、其丈夫同小朋友亦「平平安安做一個安份守己嘅平常人,平安過一生就好。」

  翁靜晶嘅孻女劉幸儀,一八年同拍拖四年嘅意籍男友Roberto喺英國簽紙結婚,去年八月中喺英國嘅教堂舉行婚禮,並於倫敦嘅Claridges酒店設宴款待親朋,翁靜晶同老公何彪、大女劉萬儀均盛裝出席。

  翁靜晶曾喺fb透露,幼女同男友『蘿蔔(Roberto)』相識於一次工作。佢話:「我準備去英國探望,女兒不善家務,住處有如狗窩,怕母親責罵就唯有向清潔公司求助。替她洗廁所的工人,就是『蘿蔔』。他當下便喜歡了幸儀,繼而約會了。說到這裏,試問哪個港女願意約會洗廁所工人?然而女兒所見到的,是一個敬業樂業,忠誠勤奮的年輕人。」

  翁靜晶話「蘿蔔」愛健身,幸儀喜歡舉重,兩人成為一對。佢同幸儀講:「富二代未必會珍惜你,只要蘿蔔真心實意愛護你,就夠了。」 其實「蘿蔔」係大學畢業生,開設小型清潔公司,更鑽研出清洗頑固污漬嘅各種方法。佢嘅清潔公司亦漸漸成為連鎖經營。翁靜晶曾經寫道﹕「若是嫌少年窮,就不會花開結果了。」

Kelly Chu


hd