Executive日記——Liza姐送心意卡感謝內地支援隊

  普及社區檢測計劃今日嚟到最後一日,專程嚟到嘅內地核酸檢測支援隊,完成呢一日同港人取樣之後,就會回歸。做過港區全國人大代表嘅藝人汪明荃(Liza姐),昨日專程向支援隊送上感謝卡,話檢測人員每天要取樣同化驗逾二十萬個樣本,工作辛勞,要感謝佢哋嘅默默耕耘同無私嘅付出。

  Liza姐去到中山紀念公園體育館嘅火眼實驗室,代表TVB向全體支援成員送上感謝卡。佢當面讚賞各支援隊人員之外,仲感謝國家協助香港抗疫。之後Liza姐參觀咗氣膜實驗室,仲邊睇邊用手機影相留念,檢測人員都開心見到佢,不少人要求合照留念。

  Liza姐一曲《勇敢的中國人》喺內地好紅,好多內地人封佢為偶像,所以支援隊總領隊國家衞健委醫管局副局長李大川、華大基因聯合創始人汪建都與佢交談甚歡,仲加埋華昇診斷中心董事長胡定旭一齊合照留念。

Kelly Chu


hd