Executive日記——中秋水果速遞免運費 Jetso App直送上門!

  中秋節快到,Kelly想為親友同自己打打氣,上頭條Jetso App就有好介紹,佢哋同香港最大嘅日本水果批發商之一美亞鮮果合作,推出限時網購優惠,由日本空運名物到港,例如鳥取縣過百年栽種歷史嘅二十世紀梨(右下圖),爽脆清甜多汁聞名,當地都為咗佢興建首間以梨為主題嘅博物館!o依家禮盒裝(約六個) 四百五十蚊就有。另一款產量極少同樣當造嘅新甘泉梨,甜度達十五度,只售七百三十蚊(十二至十四個裝),平均六十蚊一個!抵!優惠仲有甜度達二十度、「一枝一束」又無核嘅山梨縣香印提子,中秋月兔禮盒優惠價都只係八百九十九蚊(四份八房),平均一束都係大約二百二十五蚊。

  另外,果肉飽滿肥美嘅台南五十年老欉文旦(右上圖)都只係二百三十五蚊一盒(六至八個裝),平均三十九蚊一個!撳幾個掣落柯打,優質時令水果即免運費送到你或親友屋企,掃描網購QR code搶購啦!

Kelly Chu


hd