Executive日記——「三耳」局長讚普檢中心主管「無敵」

  普及社區檢測計劃噚日完結,喺內地核酸檢測支援隊同香港醫療團隊合作下,為一百七十萬市民做檢測,係香港史上最大規模嘅檢測抗疫行動,Kelly向中港工作人員講聲感謝。統籌呢次行動嘅公務員事務局局長聶德權就喺facebook發文,大讚其中一間檢測中心嘅主管「無敵」,小妹都覺得有咁高質嘅前線工作人員,香港終會驅走病疫嘅。

  喺各區檢測中心投入為市民取樣同化驗,期間聶德權亦馬不停蹄到各個中心了解工作情況,前日傍晚,佢去政府總部嘅指揮中心探同事,順便打打氣,咁啱見到告示板上貼咗張通知(見圖),係其中一間地區中心嘅主管每日發送到指揮中心,話俾指揮中心知由佢主管嘅社區中心一切運作順利,無事情需要指揮中心跟進。聶德權話,呢個主管日日如是,讚佢:「有這樣一位有擔當、有能力的中心主管,我們就放心了!」仲形容佢係「無敵檢測中心主管」。Kelly都畀個大like呢位「無敵主管」。

Kelly Chu


hd