Executive日記——崇德社夥幼吾幼基金 捐電子學習設備助基層童

  疫情令學校長時間停課,小朋友嘅學習模式改為上網,喺新常態下,基層家庭兒童需要支援。幼吾幼慈善基金成立嘅「333小老師培訓計劃」 ,獲香港崇德社Project ABC捐贈電子學習設備,日前喺「333計劃」嘅深水埗區培訓中心順利舉行捐贈儀式,四區培訓中心嘅學生代表同家長都有出席。

  幼吾幼慈善基金主席莊學熹話,喺過去學年「333計劃」嘅八百四十六名學生中,只有二成七學生擁有個人電子學習設備,佢感謝香港崇德社及中國移動香港在新學年初慷慨捐贈電子學習配套資源,包括平板電腦、Wifi蛋及網絡數據卡,解決咗基層家庭嘅燃眉之急,令超過一百九十名小學生及家庭受惠。

Kelly Chu


hd