Executive日記——夥拍潮牌FILA首次跨界別合作送大禮 昂坪360推 「運動打卡遊」

  限聚令再放寬,各行各業做好準備,迎接市道嘅復甦。疫情之下,港人開始多咗去戶外活動,強身健體,想試吓新意思,當然要參與新興嘅綠色旅遊啦。

  Kelly收到消息,一向推廣綠色旅遊嘅昂坪360喺九月底有大搞作,將聯同潮牌FILA首次跨界別合作搞本地「運動打卡遊」,鼓勵市民去戶外地方多運動舒展筋骨,強健身心靈,仲預備咗三萬份總值超過五百萬嘅禮物送畀賓客。

        Kelly覺得旅遊景點同零售潮牌跨界別合作,真係好有創意,仲有潮牌粉絲嘅打卡元素就更有話題性,Kelly好期待呢兩個界別一齊合作,以各自優勢為社會注入活力,吸引鍾意行山同運動嘅型男索女走到室外旅遊熱點,一次過體驗晒旅遊、打卡同運動時尚。

Kelly Chu


hd