Executive日記——疑似女車長聞歌起舞九巴:鼓勵同事尋夢

  近日網上流傳一段十多秒長嘅短片,一位身穿九巴車長制服嘅疑似女車長,喺巴士下層獨自一人,隨音樂扭腰起舞,車廂玻璃窗顯示車外有樹影同其他巴士。有網民留言認為,巴士司機工時長,但責任重大,休息時間輕鬆一下亦無傷大雅。但亦有人注意到個疑似女車長無戴口罩,擔心有衛生風險。

  九巴回覆傳媒就指,一直支持員工嘅工作同生活平衡,喺唔影響行車安全同執勤表現下,鼓勵同事喺公餘時間,多進行有益身心嘅文康活動,追尋夢想。Kelly認為,面對工作同抗疫疲勞,活動輕鬆吓都好,但最好就戴番口罩,注意衛生!

Kelly Chu


hd