Executive日記——資深傳媒人盧瑞盛猝逝 各界好友不捨發文悼念

  資深傳媒人、前亞視新聞主播盧瑞盛,上周五晚喺跑馬地屋企猝逝,終年六十二歲。盧瑞盛生前喺政商及業界人脈廣博,唔少好友紛紛發文悼念佢。曾任記者同電視主播、上周剛失去立法會議席嘅陳凱欣就話,日前先收到盧嘅安慰、鼓勵訊息,結果昨天傳來佢突然去世嘅消息,令佢十分難過。

  據Kelly了解,民間智庫IF召集人、慧科資本聯合創辦人邱達根(Duncan)亦分享一張與盧瑞盛嘅合照,兩人幾日前仲有聯絡,幾個月前仲一齊去九龍樂善堂捐口罩,盧Sir之後仲諗緊有咩活動可以幫到人,Duncan不捨地話:「世事無常,你一路好走,你幫過嘅人、做過嘅事,大家都會銘記,RIP」。

  另外,中電企業發展總裁莊偉茵(Quince)喺facebook話:「實在太突然,好難接受!」,又話會永遠記得「兄弟」(盧Sir)對佢嘅眷顧。小妹喺度都希望盧Sir一路好走,佢嘅家人親友好好保重。

Kelly Chu


hd