Executive日記——「蘇show善行」送愛心開學包 為百名基層學生哥打氣

  學生哥們喺疫情下開學,真係唔簡單。Kelly知道,香港江蘇社團總會上星期六舉辦咗一個叫做「蘇show善行」活動,為一百名基層同學開學打氣,仲送上「愛心開學包」,包括18GB數據卡、兒童護耳耳筒、書券、超市券、文具和抗疫用品,協助佢哋在家網上學習,真係好有心。

  全國政協常委、西九文化區管理局主席兼香港江蘇社團總會會長唐英年(Henry)話,基層同學喺疫情下開學,面對嘅挑戰好大,為咗唔影響佢哋嘅學習進度,希望盡一點綿力,提供支援。受助者都好感恩,向社團送贈心意卡表達謝意。

  Henry知道同學仔要網上學習,好難專注,所以鼓勵佢哋要有耐性和努力,盡快適應新常態,因為知識改變命運,唯有增值自己,才有美好將來。

Kelly Chu


hd