Executive日記——熱門奶黃無人炒 輕鬆食到唔使爭

  中秋節快到,以往半島酒店嘅嘉麟樓月餅備受政經界名人追捧,人人以買到一盒送禮為榮,年年好快售罄。但今年受疫情影響,官網昨天仍可預訂,價格亦冇升,同往年一樣,一盒八件裝嘅「迷你奶黃月餅」只賣五百八十港元,大家想食名人月餅,今年唔使同人爭。

  疫情影響消費市道,連以往掀起炒風嘅嘉麟樓月餅,今年不見炒風。Kelly昨日查半島酒店官網,每盒售價五百八十港元嘅八件裝嘉麟樓「迷你奶黃月餅」,同講明限量二千○二十盒,每盒售價六百三十港元嘅八件裝嘉麟樓「心盈迷你奶黃月餅」,都仲可以預訂。而係Carousell,就有人放售嘉麟樓月餅券,大概四百至六百港元左右。

  內地旅客每年中秋前都會嚟香港買月餅,今年因疫情過唔到關,但喺淘寶網就有「半島食品旗艦店」預售嘅八件裝「迷你奶黃月餅」,每盒四百三十八元人民幣,差唔多等如五百港元,比香港同款的三百八十八港元貴了近百元,但仍吸引超過兩萬人付款。

Kelly Chu


hd