Executive日記——東哥敖嘉年周六開Live 大談買車經

  呢排Kelly有幾位姊妹啱啱考到車牌,想買架車獎勵下自己,驚自己技術未夠,刮花新車會勁心痛。問Kelly如果想買二手車,應該點揀!Kelly就真係唔熟二手車行情,但好多玩開車嘅朋友都話,二手車雖然經濟實惠,但係始終有風險,因為識揸車唔代表識揀車,就咁睇架車表面好「四正」,但零件有咩問題,就未必咁易睇得出,如果唔識揀,真係好易中伏!

        不過,好彩Kelly八到嚟緊星期六(九月二十六日)下午兩點鐘〈頭條開Live〉搵到《星島雜誌集團》業務總監兼資深車壇人士陸永東(東哥)同埋愛車星級藝人敖嘉年,親身去到九龍灣展貿車場,同大家線上交流,大談買二手車經驗,仲即場教大家點分辦一架二手車好定唔好,同埋有咩中伏位要留意,避免中招!有呢兩位愛車識車之人教路,相信一定學到好多嘢!搞到Kelly都心郁郁想學嘢買返架二手車返工代步添!你都想學嘢嘅話,就記住準時Join直播喇!

Kelly Chu


hd