Executive日記——旅發局擬復辦除夕煙花送走瘟疫 「賞你遊香港」 消費換本地遊名額

  本港疫情回落,但外國疫情就反彈,外遊暫時仲係夢想,唯有支持本地消費。Kelly八卦到,旅發局計劃推出「賞你遊香港」計劃,大家喺本地消費約一千蚊,就可以免費換領一個地道遊名額,名額一萬個。小妹仲八到,旅發局亦同政府各部門傾緊復辦除夕倒數煙花匯演嘅可能性,Kelly好支持,希望燒吓煙花送走瘟疫,迎接新一年。

  據旅發局嘅初步構思,大家去零售、飲食店消費約一千元,就可以免費換一個長四小時嘅地道遊名額,包一餐,約有五十個行程任揀。小妹好支持由香港人挺香港旅行業,仲希望政府因應疫情持續放緩,可以放寬本地遊嘅人數上限,只要做好社交距離,加強個人衞生,其實去到八人至十二人一團應無問題。

  快過中秋,冬季不遠了,聖誕又會來。小妹好喜歡每年嘅繽紛冬日節,聽聞旅發局籌備緊,仲計劃再辦除夕倒數,重設煙花匯演,小妹支持燒煙花,以𤌴爛嘅光芒送走今年嘅瘟疫,迎接新一年嘅新希望。

Kelly Chu


hd