Executive日記——煤氣公司贈餸菜包 減輕基層家庭壓力

  疫情下,基層人士因失業或者開工不足,陷入困難。Kelly見煤氣公司好有心,推出「家餸愛.添溫馨」計劃,減輕基層家庭嘅膳食開支。計劃透過網絡媒介接觸有需要嘅家庭,提供營養資訊、搞網上活動及派發餸菜包,既減輕經濟負擔,又紓緩佢哋心理壓力。而社工仲會同佢哋保持聯繫同協助。

  基督教家庭服務中心總幹事郭烈東話:「疫情反覆,好多公共服務都停頓,此時更需社會服務。」對於「家餸愛.添溫馨」計劃,佢認為算是疫情下社商合作的新常態,亦係社會服務嘅新模式。「家餸愛.添溫馨」分兩期,首階段一萬五千份餸菜包於八月完成,而第二階段亦於本月十四日開始,為期十五星期,每周送贈兩次餸菜包畀基層家庭。截至今年年底,共一千個家庭受惠。

Kelly Chu


hd