Executive日記——《13點》李惠珍守靈彌撒 漫畫界猛人致哀

  坐擁無數粉絲嘅港產漫畫《13點》,作者李惠珍喺上個月底與世長辭,昨天舉行守靈彌撒,好多本港漫畫家,包括黃玉郎、王澤夫婦、馬榮成等都嚟送李惠珍最後一程,Kelly都好鍾意《13點》,祝李惠珍一路好走。

  有「少女漫畫掌門人」稱號兼創作《13點》嘅漫畫家李惠珍,喺上月二十七日病逝,昨日喺慈雲山聖文德堂舉行守靈彌撒,後日會安葬於跑馬地天主教墳場。

  昨天五時,黑色靈車到達現場,李惠珍女兒捧着彩色遺照,相中嘅李惠珍穿着白色服裝兼戴上「13點」招牌頭飾,露出親切嘅笑容。李惠珍以淺啡色木棺由工作人員移送入場,禮堂以簡潔為主,以白色鮮花佈置,禮堂內的熒光幕播放她成長及家庭生活照,可見佢年輕時打扮非常時髦。有不少漫畫界好友致送花牌,包括黃玉郎、王澤夫婦、馬榮成、尊子、李志清、楊學德及香港動漫畫聯會等等,可見佢喺本港漫畫界嘅地位舉足輕重。

Kelly Chu


hd