Executive日記——三耳局長中秋「煲劇」不「煲蠟」

  國慶中秋連放四日長假,公務員事務局局長聶德權(見圖)就同Kelly分享,兒時嘅慶祝節目喺「煲蠟」,但「煲蠟」現為犯法行為,依家就改為「煲劇」。三耳局長話,較喜歡嘅劇集有內地嘅《瑯琊榜》、《慶餘年》等,而外國劇集就有《指定倖存者(Designated Survivor)》。

        近期疫情緩和,局長亦終有機會踏入戲院,分別睇咗《天能》同《麥路人》,笑言係「報復性」睇戲,近年亦睇過《淪落人》、《翠絲》等本地製作。

        局長又提到,唔少公務員同事都需要喺假日緊守崗位,繼續為市民服務,感謝同事令社會喺「新常態」下正常運作。佢亦希望大家趁住佳節,向身邊親友傳達心意同問候,祝願大家人月兩團圓!

Kelly Chu


hd