Executive日記——泰山出馬教煮法菜

  Kelly愈來愈鍾意煮食,每次親友食完都讚叻叻,為咗繼續贏取掌聲,小妹決定緊跟信興廚藝中心嘅烹飪課程,今次由商業電台節目主持泰山任導師,教煮法國菜,真係好期待。

  泰山多才多藝,身兼電台、電視節目主持、配音員,仲去過法國參與Disciples Escoffier文憑課程,取得法國教育部認可嘅法國烹飪國家五級證書,佢會喺十月十一日同十月十五日喺信興廚藝中心,分別教大家煮羅西尼牛排(牛排+鵝肝)配法式紅酒汁、味噌法式洋葱湯,以及檸檬牛油脆皮魚配香草飯、田園意式炸飯糰,聽見都流口水。

  早前嘅廚藝班受疫情影響一度停頓,O依家捲土重來,好令人期待,而且泰山一個大男人教煮精緻法國菜,仲分享其入廚心得同竅門小貼士!一定好玩,詳情上信興廚藝中心了解下啦。

Kelly Chu


hd