Executive日記——團體教車口罩幫補生計 巧手南亞裔婦回饋社會

  疫情沒完沒了,失業率上升,基層婦女就業困難。離島婦聯執委黃鳳群為幫助失業婦女,利用兩個月時間,教曉一班婦女車口罩,為佢哋增加收入,其中一位南亞裔婦女Jabeen喺香港基督教女青年會穿針引線下,利用多年車衣經驗,車口罩以回饋社會。

  黃鳳群同Jabeen所屬嘅兩間社福機構連同另外五間機構,與太古地產社區關懷基金策動和贊助嘅「婦女展才」屬下項目「可重用口罩+口罩袋」合作,義賣佢哋製作嘅口罩,所籌善款將用作日後推動其他可持續發展解決方案,協助本地婦女發展個人潛能,並為佢哋創造就業機會。Kelly覺得好有意義,一定去買「可重用口罩+口罩袋」,挺呢班婦女,也有靚靚手造口罩戴出街。

Kelly Chu


hd