Executive日記——《英文虎報》專訪港姐謝嘉怡 剖白奇妙參選旅程

  今年香港小姐收視率回勇,好多人都話冠軍謝嘉怡(Lisa-Maria Tse)又中又英嘅美貌,好多人like。The Standard《英文虎報》獨家訪問咗呢位出爐港姐,原來戴上港姐后冠,係佢由細到大嘅夢想,訪問中仲披露佢係第二次報名參選先至圓夢。

  「出任香港小姐係我一直以來的人生規劃。」 謝嘉怡說,所以佢放下蘇格蘭專業護士嘅工作,喺全球疫情流行下,飛了九千五百公里回港,仲要先被隔離兩個星期,亦無阻佢嘅決心,原來佢爹哋一直想個女坐上港姐嘅寶座,喺媽咪懷住佢期間,爹地就幻想相佢大個後會角逐港姐,而呢個目標就在一家人早年回內地旅遊時變得堅定不移,當時謝嘉怡只有五歲,當佢喺街頭穿民族服拍照留念嘅時候,「啲途人會停步,瞄着我講,睇吓個女仔……」

  其實,謝嘉怡係第二次參選才圓夢,三年前佢向無線報名參選,臨面試前一刻才退出,原因係佢想完成學業先,「我一直想完成基本學業,然後才另謀發展。」到咗自己二十五歲,佢覺得時機到了,雖然佢不預期今年會爆發新冠肺炎疫情。對於佢作為一個新護士,眼見所有手術室改為治療肺炎患者,醫院驟變,即使好困難,但佢係護士新人,容易接受新事物,可以學習更多。由愛心護士變身美貌與智慧並重嘅香港小姐,Kelly祝嘉怡有一個美妙嘅人生旅程。

Kelly Chu


hd