Executive日記——曾淵滄:百分百假嘅! 騙徒以「曾氏秘訣」 誘加入投資群組

  線上詐騙手法層出不窮,呢幾日WhatsApp流傳一則聲稱由資深投資者曾淵滄博士分享的「曾氏秘訣」,圖文並茂,誘導市民加入群組,挑選強勢股票。經Kelly向曾淵滄查證,發現原來係假冒訊息,曾博士親口回覆絕無此事,又勸喻大家唔好輕易相信來歷不明嘅短訊、電話。

  假冒短訊貼上曾博士嘅相片,標榜「熱炒新經濟股ATMX外,有兩類舊經濟股正靜靜回升」,誘導接收者點擊連結加入WhatsApp群組。小妹隨即致電曾博士求證,聽見他的語氣平淡,仲好淡定咁話,最近唔單止佢本人,好多騙徒都會利用名人效應,四周招搖撞騙,「見到呢啲來歷不明嘅訊息,就知係100%假嘅!」他說騙徒手法猶如「漁翁撒網」,騙取受害人上釣,勸喻大家千萬不要輕信。

        小妹知道曾博士已就此事發出嚴正聲明,並且已經報案處理。曾博士又話,自己無開設任何群組,只有直接與佢本人交流投資心得嘅渠道,均有正式邀請和專人聯絡。

Kelly Chu


hd