Executive日記——柳俊江發離婚宣言?「往後好為自己而活」

  前TVB主播柳俊江上個月被爆涉嫌出手打一名與妻子去餐廳嘅男子,遭警方拘捕,之後傳出同太太雷康怡鬧離婚嘅傳言,呢單八卦新聞有進一步嘅發展,有人發現柳俊江喺個人社交平台上寫下擬似嘅「離婚宣言」,間接咁公開自己回到單身生活。

  現年三十九歲嘅柳俊江涉出手打人後承認同一名男子發生衝突並且已道歉。其後,柳俊江同太太雷康怡喺各自在社交媒體上刪掉大部份二人嘅舊合照,又互相取消關注,日前柳俊江嘅Instagram上亦出示佢帶子女去沙灘游水同觀星嘅照片。

  前日深夜,柳俊江喺其個人帳戶上發文,寫下一段疑似「離婚宣言」嘅文字:「為另一個人而活,整整十七年,南柯一夢。往後,好為自己而活。」看似是在默認同雷康怡結束十年婚姻。

Kelly Chu


hd