Executive日記——首創網台show 出動前主播 旅發局 「疫」 流而上推廣香港

  全球疫情未了,但旅遊發展局就「疫」流而上,密密手推新猷,保持宣傳香港,務求疫情一旦緩疫,等掛住香港嘅外國旅客,即刻嚟香港玩番一轉。局方嘅最新招數,係推出全新嘅《旅發局+》,介紹局方喺疫情中持續嘅推廣香港旅遊工作,好PRO又好睇。Kelly讚,局方真係可以諗吓開個旅發局頻道喎!

  《旅發局+》第一集,出動局方一位曾任電視台新聞主播嘅員工做司儀,佢表達手法好專業,開宗明義以全新形式,逆流而上,宣傳香港,所以以網上短片連繫海外旅客,等佢哋對香港嘅美食、美景、文化和人念念不忘。唔講唔知,原來好多東南亞旅客好鍾意香港地道美食,旅發局早前就準備香港地道美食三寶——魚蛋、燒賣同砵仔糕嘅「懶人包」,內有食材同指南,寄畀東南亞國家多名KOL,佢哋開心喺網上分享,吸引咗三千六百萬人次觀看,同二百萬人次參與,非常成功。新加坡人反應熱烈,搞到「懶人包」商品化推出市場發售。

        鏡頭一轉,又講到局方吸引到國際傳媒報道香港,好似冒險家白銳勻介紹麥理浩徑,模特兒Stephen Friedman帶大家去深水埗尋幽探勝等等,搞到Kelly都想即刻去行番轉。《旅發局+》好睇,期望快啲有第二集。

Kelly Chu


hd