Executive日記——途人怒斥「污染香港」 山澗當露天浴堂 大媽旁若無人裸浴

  Kelly平時喜歡到郊外行山,欣賞大自然嘅美景。但小妹近日喺網上見到一條影片,發現一位體態肥胖兼全身赤裸嘅女人,喺山頭一個戶外水池浸浴,有途人大斥「點可以咁樣㗎,簡直係污染香港!」小妹睇片都睇到「O晒嘴」。

  從影片可見,一名全身赤裸、身形肥胖嘅女人蹲喺山澗旁嘅儲水池浸浴,旁邊仲放咗一堆物件、沐浴露等,途中有男士經過,該名女士仍然不理。片段又傳來另一把女聲,斥責涉事女人「喺度剝晒衫褲沖涼,啲人行過又唔理喎,點可以咁樣㗎,簡直係污染香港啦!」

  有網民質疑該水池於水泉澳邨後山溪澗,但沙田區議員丘文俊稱,曾到水泉澳邨對上山頭視察,都幾肯定唔係,因為水泉澳山頭嘅溪澗天然而成,唔會有片中拍到有石屎建築嘅「浴池」。

   喺公眾地方暴露身體任何部份屬犯罪行為,一經定罪最高可處罰一千港元及監禁半年,小妹奉勸大家切勿以身試法!

Kelly Chu


hd