Executive日記——新餐肉15mm為煎前厚度 麥當勞:純植物製含水份

  想食靚漢堡飽,一於去麥當勞,又一城嘅麥當勞搬咗新舖,Kelly同朋友特登入去,今次為咗試新出嘅新餐肉系列,塊新餐肉煎得香脆,食落好似午餐肉,味道好好,有啲彈牙,先至感覺到係素肉質地,非常之正。

  麥當勞期限供應「OmniPork Luncheon新餐肉」系列產品,俾顧客多個選擇,吸引不少食客試食。Kelly最like新餐肉蛋包,佢塊厚切嘅新餐肉配上炒滑蛋,味道好夾。

  朋友見到有網民談論「新餐肉」標榜厚度達15mm,是否塊塊都咁一致,小妹八卦,問吓麥當勞嘅朋友,佢話,「15mm」係指新餐肉烹調前厚度,喺宣傳品如自助點餐機、電子餐牌、櫃枱助銷品、網頁等都列明咗,由於以純植物製嘅新餐肉本身含有水份,煎製過程中水份會流失而稍微影響煎製後產品嘅厚度,所以大家要留意番。

Kelly Chu


hd