Executive日記——海洋公園「夜.玩.派」 同朋友組隊挑戰刺激任務

  睇綜藝節目時,電視機前嘅你有沒有幻想過置身其中,同朋友大玩緊張刺激嘅遊戲關卡呢?如果想挑戰自己,Kelly介紹大家去洋公園,喺十一月嘅指定星期五至星期日,園方會舉辦夜間體驗「夜.玩.派」,市民只須手持標準入場門票、智紛全年入場證或無限次入場證,毋須支付額外費用,就可以同朋友組隊以綜藝節目式組隊挑戰任務!

        參加者喺海洋列車高峰站旁嘅挑戰啟動站索取任務卡,組隊同朋友到動感天地嘅不同區域連番激鬥,包括登上機動遊戲完成任務、化身偵探破解謎題、喺「逃出熔岩陣」嘅舞池內避過淘汰同時大展舞技,更可以單手餵隊友食雞翼。參加者完成任務後可憑所獲分數換領豐富獎品,有機會贏得人氣品牌SKECHERS運動鞋換領券及現金券、豐富小食禮品包同園內消費現金券等多重獎賞。

  據Kelly了解,呢個「夜.玩.派」活動分別將喺十一月六、七、八、十三、十四及同十五日舉行,時間為下午五時至晚上九時三十分。

Kelly Chu


hd