Executive日記——團隊栽培 大師承傳 迪士尼兩年輕廚神誕生

  限聚令放寬,迪士尼樂園可以接待更多遊人,Kelly鍾意熱鬧,一於入園玩番轉,見下米奇同美妮,仲有一個秘密任務,就係搵兩位年輕廚神嘅精緻美食擦餐飽。

        迪士尼園區有多間高質餐廳,美食年年喺世界各地嘅大賽中攞獎,原來樂園一向以栽培年輕廚師為己任,而且人才輩出,好似讀舞台及形象設計明嘅Yan ,為賺學費加入樂團廚房做兼職,迷上煮食,經樂園大廚嘅教導,加上個人嘅非凡創意,憑一碟巧手鱸魚,獲得青年廚神挑戰賽嘅冠軍。

  而加入樂園六年嘅Alex ,生於瑞典,大學讀PR,轉攻廚藝,也在樂園各大廚悉心指導下,學到一身好功夫,亦同樣喺青年廚神挑戰賽取得亞軍,令迪士尼威上加威。

        唔講唔記得,迪士尼今年慶祝十五周年,各餐廳都推出特色美食,Kelly見到都流口水,尤其係加入一眾卡通人物嘅甜品,可愛到真係望實都唔捨得食。

Kelly Chu


hd