Executive日記——鍾鎮濤創作《捍衞香港》 感激警方默默付出 一哥上鏡開金口 唱警隊新主題曲

  大家都知道,警務處處長鄧炳強加入警隊前,曾參演由高志森執導嘅處女作《開心鬼》。事隔三十多年,一哥再次粉墨登場,宣傳警隊最新主題曲《捍衞香港》,仲開金口,清唱「看警徽,心有光,懲治罪犯責肩上,不退讓」。《捍衞香港》由鍾鎮濤(B哥哥)為警隊創作,足本版MV昨晚播出,好有特色!

  警方喺facebook上傳《捍衛香港》嘅精華版本,B哥哥喺片中表示,很感激警隊為香港市民付出,因此特意創作出一首《捍衞香港》向佢哋致敬。而警方昨日發放嘅宣傳片中,一哥除咗上鏡,仲大展歌喉,清唱「看警徽,心有光,懲治罪犯責肩上,不退讓」。宣傳片獲唔少網民留言畀LIKE。

  另外,《警訊》節目嘅電視路途已有四十七年,任務早前終結。為迎合時代發展,新節目《警聲直播》由昨晚起接力,每逢星期四晚上九點喺警隊facebook專頁及YouTube頻道同巿民見面。兩位警員黃家倫及莫藹祺,成為《警訊》末代主持,兩人將重新出任《警聲直播》主持。

  新節目《警聲直播》會主力宣揚滅罪同防罪訊息,呼籲市民提供案件消息,並介紹警隊不同單位工作等。節目以直播方式進行,暫定全長約十五分鐘。

Kelly Chu


hd