Executive日記——一個月內第二次滿月 萬聖節喜迎「藍月亮」

  今日適逢萬聖節,又係農曆九月十五日,撞正平均兩至三年先見到一次嘅「藍月亮」,即同一個月內,出現第二次滿月。如果錯過咗今晚嘅滿月,下次就要等大概三年,所以Kelly都好期望,今晚可以憑肉眼見到飽滿嘅「藍月亮」。

  小妹知道藍月亮係罕見嘅天文現象。根據天文台講,當同一個月兩次出現滿月,第二次滿月就會被稱為「藍月亮」,唔係話個月亮真係藍色;由於十月初已經迎來滿月,今晚再出現的滿月正正就係「藍月亮」,仲話「藍月亮」平均每三十個月出現一次,下一次就要等到二○二三年八月三十一日。

        「藍月亮」係英文諺語「Once in a blue moon」嘅由來,有千載難逢、稀有的意思。

        天文台預測今日早晚部份時間多雲,日間大致天晴及乾燥,而今晚嘅月出時間為下午五時四十六分,月落時間為明日上午五時五十六分,市民可把握黃金機會,喺萬聖節晚上抬頭觀賞獨特嘅「藍月亮」。

Kelly Chu


hd