Executive日記——香港機場限定版大富翁 齊齊做機場大亨

  Kelly喺疫情期間愛上咗留喺屋企玩桌上遊戲,當然唔少得經典嘅大富翁啦。機場管理局同大富翁合作,推出咗限定嘅「香港國際機場版大富翁」,加入咗香港機場嘅特色,好吸引呀!令到小妹又好想飛呀。

  「香港國際機場版大富翁」嘅棋子用咗登機閘口、飛機等造型設計,每一隻棋都好精緻,棋盤上嘅地方名就用咗機場設施、建築物同地標命名,符合晒香港國際機場嘅獨特元素,玩落好有親切感,仲好有收藏價值!咁耐無去機場,喺棋盤做吓機場大富翁都幾好玩吖。

  呢副特別版嘅大富翁只會喺香港限量發售,十一月十六日起喺機場網上商店(www.hkairportshop.com)發售,每副賣288蚊,包免費本地送貨。

288蚊一副包送貨

  即日起至本月底仲有限時優惠,機場網上商店會員購買有九折優惠,單筆買滿五百元仲可獲得一百元機場電子現金券,留番日後可以飛嘅時候就可以用!

Kelly Chu


hd