Executive日記——李嘉誠基金會撥款三百萬 支援油麻地火災死傷者家屬

  油麻地廣東道唐樓日前發生火警,釀成七死八傷慘劇,小妹睇到新聞都好傷感。李嘉誠基金會表示,對油麻地唐樓大火嘅傷者及死者家屬,緊急撥款三百萬元,作為支援金,並會透過民政事務總署發放。昨日亦有唔少市民獻花致祭,現場擺滿鮮花和祭祀物品,場面令人痛心。

  基金會話,李嘉誠對火災帶來嘅傷痛深感難過,希望能幫助受影響家庭,願逝者安息,傷者早日康復。發生火災的唐樓昨日仲未解封,消防及警員繼續去到現場調查。昨日傍晚,約有二百多人喺事發大廈對開嘅行人路,舉行悼念儀式,參與嘅人企滿廣東道沿寧波街及西貢街一段行人路,大部份係少數族裔人,而尼泊爾駐港總領事館及多個尼泊爾組織亦有派代表出席,佢哋到場默哀及獻花致祭,亦有僧侶誦經。

市民到場獻花致祭

  昨日下午亦有唔少市民到場獻花致祭,鮮花擺滿大約半條行人路,更有人喺地上點燃砌成心形的蠟燭,也有人擺放祭祀物品。當中罹難的八歲男童Ryan就讀佐敦道官立小學,有同學特意放學後到場獻花致祭,有家長形容Ryan喺一個好好嘅男仔,悲劇發生多日後,依然好掛念佢。

Kelly Chu


hd